Како Академијата за Дигитален Маркетинг ми помогна да се усовршам во B2B Lead Generation?

Упорноста и желбата да научам за новостите во светот на дигиталниот маркетинг, поттикот за понатамошно развивање на моето знаење и одлуката да бидам дел од Академијата за Дигитален Маркетинг ми помогнаа да започнам како практикант во менаџмент консултантска фирма.
Како Академијата за Дигитален Маркетинг ми помогна да се усовршам во B2B Lead Generation?
05.12.2021

пишува Ивана Бојаџиевска, Академија за дигитален маркетинг

Сите наши соништа можат да се остварат ако имаме храброст, секојдневна мотивација и ако дадеме се од себе. 

За себе ќе кажам дека сум амбициозна, високо мотивирана личност и дипломиран економист на УКИМ. Истовремено, голем ентузијаст и креативец. 

Упорноста и желбата да научам за новостите во светот на дигиталниот маркетинг, поттикот за понатамошно развивање на моето знаење и одлуката да бидам дел од Академијата за Дигитален Маркетинг ми помогнаа да започнам како практикант во менаџмент консултантска фирма.

Како дојдов до идејата да бидам дел од Академијата за Дигитален маркетинг на Creative Hub?

Уште за време на студиите бев заинтересирана за дигиталниот маркетинг. Започнав со основни видеа на YouTube и со тек на време се повеќе се пронаоѓав во маркетинг сферата. Како резултат на тоа одлучив по завршување на студиите да се запишам на Академија за Дигитален маркетинг. Сакав да го збогатам своето знаење и да се стекнам со меѓународно признаен сертификат за дигитален маркетер.

Дали треба да се има предзнаење за да бидеш дел од Академијата за Дигитален маркетинг и дали Академијата ги исполни моите очекувања?

За да бидеш дел од академијата не е потребно предзнаење. Потребно е да ја разбудиш креативноста во себе и да се гледаш  како иден професионален маркетер. Преку програмата со широк спекар на предмети ќе се запознаш со сите елементи на дигиталниот маркетинг.

Академијата ги исполни моите очекувања бидејќи освен тоа што се здобивме со теоретско знаење, имавме практичен дел со задачи, домашни и изработка на проекти кои се највредниот дел од целото искуство.

Кој предмет ми беше најголем предизвик и кој предмет најмногу ми се допадна?

Секој предмет има своја специфичност – почнувајќи од WordPress на кој научив да креирам веб страница, SEO и Google Analytics кои ми помогнаа за оптимизирање на страната па се до Content Writing за пишување на блог постови и текстови за социјални медиуми и email, рекламирање на Google Ads, LinkedIn, Facebook, креирање на email кампањи и изготвување на ПР медиа план.

Сите предмети ми претставуваа голем предизвик и ми се допаднаа, со оглед на тоа што секој час имавме домашни задачи во кои што професорите ни помогнаа да ја покренеме нашата креативност. Практичните вештини кои ги стекнавме на предавањата ќе ни служат за унапредување на кариерата или започнување на приватен бизнис.

Еден од предметите што посебно ме заинтересира и со кој се немав сретнато претдходно е B2B Lean Generation на LinkedIn и Email кој што освен со предавањето и практичните вежби од Академијата, ми помогнаа да се усовршам и да аплицирам за практикант во оваа сфера.

Дали во консултантската фирма ги применувам досегашните стекнати знаењата од Академијата?

Секако, знањето кое го стекнав, како и дел од домашните кои ги изработив по предметот B2B Lean Generation ги прикажав на интервјуто и ми помогнаа да бидам примена во фирмата во која што аплицирав.

Kорисни чекори за подобрување на B2B lead generation кои би ги издвоила:

 Започнете од основата

За разлика од B2C (business-to-consumer), производите и услугите што се продаваат во B2B (business-to-business) индустријата имаат подолга секвенца на продажба. Главната причина за подолгите циклуси на продажба во B2B е фактот што финалната одлука за купување ја носат поголем број луѓе. Овие носители на одлуки прават подетално истражување и прибираат информации со цел да ја донесат вистинската одлука.

Направете анализа на пазарот (market research)

Потребно е да се изгради идеален профил на клиент (ICP-Ideal Customer Profile). Пред да се започне процесот потребно е резиме на кој се наведени идеалниот вид клиенти, идеалните позиции во компаниите и видот на информациите за контакт. Се започнува со користење на LinkedIn односно со користење на напредни алатки како што е Sales Navigator и други бази на податоци за да се идентификува група на компании и луѓе кои се релевантни и се поклопуваат со претходно дадените критериуми.

Подигнете ја свесноста за компанијата (brand awareness)

Откако ќе ги разбереме потребите на нашите потенцијални клиенти, следен чекор е подигање на свеста за производот и компанијата. Свеста за брендот е мерка за тоа колку е познат вашиот бренд на дефинираните таргет пазари. Така, колку повеќе луѓе слушнале за вашиот бренд, толку е посилна вашата репутација и потенцијалот за профит.

Преку процесот на генерирање B2B лидови вие ги едуцирате луѓето на вашиот целен пазар за вашиот производ и неговите карактеристики.

Изградете листа на B2B Lead Generation клиенти

За креирање на квалитетна листа мора добро да ги познавате вашите потенцијални клиенти. Кога знаете кои клиенти сакате да ги освоите, можете да започнете да градите список формиран од компании и носители на одлуки како C-suite лидери (CEO, COO, CFO,CTO, CIO, CMO), сопственици, директори, проект менаџери, менаџери на продажба, маркетинг менаџер и останати, кои би можеле да бидат заинтересирани за вашиот производ/решение.

Основни податоци кои треба да ги имате се: име, email адресата, име на компанија (веб страница/LinkedIn)  и телефонски број. Телефонскиот број и email адресата се сигурни информации што можат да ви помогнат да започнете контакт.

Започнете разговор

Откако ќе ги најдете потребните информации за контакт треба да го подготвите вашиот план за контактирање. Притоа овој пристап не треба да биде премногу чест (неколку пати во ден или во една недела а нема повратна информација). Поставете специфичен пристап и динамика која ќе и одговара на вашата целна публика.

Откако ќе се воспоставивте врска со вашите потенцијални клиенти и тие се подготвени да разговараат, следното што треба да направите е да закажете повик каде што ќе можете да разговарате за деталите и начинот на кој ќе остварите соработка.

Следете, анализирајте и ажурирајте го секој податок

Ако вашиот продажен тим успешно ја забележува секоја интеракција со клиентот, каков бил контактот од почеток до крај, ќе добиете вреден фидбек кој ќе ви помогне во понатамошниот пристап. Овие согледувања можат да бидат многу корисни не само за остварување на соработка со конкретниот клиент, туку и за унапредување на пристапот што ќе овозможи уште поголеми успеси во иднина. 

Доколку сакате да дознаете повеќе за LinkedIn B2B Lead Generation пријавете се на Академијата за Дигитален маркетинг и Акаунт менаџмент.

Поврзани постови

          Pin It on Pinterest

          Share This