Работејќи на својот омилен проект креирање на целосна маркетинг стратегија за постоечки бизнис и спремање презентација за имплементирање на истата Дејан се стекнал со искуство во истражување и креирање на кампања со долгорочна стратегија како за реален клиент. За Академијата ќе каже дека има програма која е прилагодена на потребите на студентите и овозможува стекнување на вештини преку работа на реални проекти. Како модул кој е најпредизвикувачки, но и доста корисен би го издвоил SEO.
Структура на програмата: 8 месеци предавања + Стажирање + Гарантирана работа
Денес ти го пренесуваме искуството на нашиот career changer Дејан Џерков од Академијата за дигитален маркетинг. Доколку сакаш да знаеш какво е неговото искуство продолжи да читаш! 😊
Дигиталниот маркетинг е област што се развива постојано
Creative Hub: Дејан во моментов работите како асистент менаџер на продавница, зошто баш дигитален маркетинг? Што Ви се допаѓа највеќе кај оваа професија?
Дејан: По неколку години работа во продажба размислував како можам да го надоградам моето знаење и како можам да стекнам професионален раст, а бидејќи дигиталниот маркетинг е област што се развива постојано, значи дека секогаш има нови нешта да се научат и истражат. Дигиталниот маркетинг дава можност за креативно изразување. Ова вклучува креирање на содржина, дизајн на реклами, разработка на стратегии и употреба на различни онлајн канали за рекламирање.
Се стекнав со практично искуство со ПР, Google Ads и SEO
Creative Hub: Бидејќи сте веќе на крај со Академијата би сакале да Ве прашаме кои практични вештини ги стекнавте во текот на изминатите месеци како дел од Академијата за дигитален маркетинг?
Дејан: Во текот на Академијата за дигитален маркетинг, развивав значајни практични вештини поврзани со областа. Креирање и имплементација на рекламни кампањи на социјални медиуми, анализа и подобрување на резултатите на кампањите и како да применам стратегии и корекции за подобрување на ефикасноста на маркетинг кампањите. Се научив како да креирам висококвалитетна онлајн содржина. Се стекнав со практично искуство со ПР, Google Ads и SEO. Работев на реални проекти и стекнав искуство за како да се постигне најдобриот резултат за истите.
Програма дизајнирана да одговара на потребите на студентите
Creative Hub: Како би ја опишале програмата на Академијата за дигитален маркетинг во Creative Hub? Што е она што ја издвојува од останатите академии?
Дејан: Програмата е дизајнирана да одговара на потребите на студентите, вклучувајќи флексибилно време на обука и опции за онлајн учење. Програмата ги покрива најновите техники и тенденции во дигиталниот маркетинг. Истата е дизајнирана за да ги развие практичните вештини не само преку теоретски концепти, туку искуство во реални ситуации преку работа на реални проекти.
ЅЕО – предизвикувачки и интересен модул
Creative Hub: Дали би можеле да издвоите омилен модул и модул кој Ви беше најпредизвикувачки?
Дејан: Како омилен модул можам да го издвојам social media marketing и content marketing, исто така доста интересен беше и ЅЕО иако беше доста предизвикувачки се стекнав со доста важно знаење кое е потребно за областа.
Маркетинг стратегија за постоечки бизнис
Creative Hub: Mожете ли да издвоите омилен проект на кој сте работеле на Академијата и што научивте од него?
Дејан: Омилен проект ми беше проектот за маркетинг менаџмент каде успеав да креирам целосна маркетинг стратегија за постоечки бизнис и да спремам презентација за имплементирање на истата. Преку овој проект добив искуство во истражување и креирање на кампања со долгорочна стратегија како за реален клиент.
Многу сум задоволен од знаењето со кое се стекнав
Creative Hub: Дали би ја препорачале Академијата за дигитален маркетинг на Creative Hub на некој што сака да направи кариерна преквалификација?
Дејан: Со задоволство би ја препорачал Академијата за дигитален маркетинг на Creative Hub, моето искуство со Академијата до сега е одлично и сум многу задоволен од знаењето со кое се стекнав во изминатите месеци.
